Unha mañá creativa en LÓVA: aprendendo costura e deseño téxtil

Esta semana, o alumnado de 5º EP gozou dunha experiencia moi especial dentro do Proxecto LÓVA. Recibiron a visita de Tatiana, a nai de Bianca, quen compartiu con eles a súa paixón pola costura e as manualidades, abríndolles unha xanela ao mundo do deseño téxtil.

Durante a sesión, Tatiana explicoulle ao alumnado algunhas nocións básicas de patronaxe, amosándolles como unha peza de roupa comeza sendo un conxunto de liñas e formas sobre o papel. Os alumnos e alumnas puideron observar como se toman as medidas, como se debuxan os patróns e como cada peza encaixa para dar lugar a un deseño final.

Despois, tiveron a oportunidade de vela traballar cunha prensa de calor, unha ferramenta profesional que permite transferir adhesivos e deseños á tea. Puideron ver, paso a paso, como unha simple imaxe se converte nun detalle decorativo que personaliza unha prenda.

Foi unha xornada chea de creatividade, curiosidade e aprendizaxe práctica, na que se implicaron con entusiasmo e descubriron novas formas de expresión artística.

Moitas grazas, Tatiana, polo teu tempo, pola túa cercanía e por seres unha fonte de inspiración para todos. Este tipo de experiencias enriquecen o proxecto e achegan ao alumnado a realidades e habilidades que van máis alá da aula.

Visita especial no proxecto LÓVA: o pai de Pedro fala sobre fotografía e iluminación

Esta semana tivemos unha visita moi especial no noso proxecto LÓVA. O pai de Pedro veu á aula para falarnos sobre fotografía e iluminación, dúas partes moi importantes para o noso traballo.

Aprendemos como a luz pode cambiar completamente o aspecto dun obxecto ou dunha escena, e que existen luces frías e quentes segundo o que queiramos destacar. Esta aprendizaxe será moi útil para as persoas que dentro do proxecto desempeñan o papel de iluminadores, pero tamén para o equipo de documentalistas, que se encargarán de fotografar e documentar todo o proceso da nosa obra.

Foi unha sesión moi interesante e divertida, na que descubrimos que mirar con atención é o primeiro paso para facer boas fotos.

Grazas por compartir connosco o teu tempo e coñecementos, Fran! 📸💡

"Eu son": unha viaxe de expresión e creatividade en LÓVA

O alumnado de 5º EP participou nunha actividade moi especial dentro do proxecto LÓVA, titulada “Eu son”. A través dela, os nenos e nenas exploraron quen son e como se senten, utilizando a arte e as metáforas como linguaxes de expresión.

Cada estudante buscou unha imaxe simbólica para representarse: “Eu son unha flor”, “eu son unha ruleta”, “eu son un barco”, “eu son unha nave espacial”, “eu son un burato negro”... Cada unha destas frases agocha unha historia, unha emoción e unha forma de ver o mundo.

O obxectivo da actividade foi fomentar a reflexión persoal e a expresión artística e oral,bases fundamentais do proxecto LÓVA.

A o corredor encheuse de cores, palabras e emocións. Entre risas, pinceladas e pequenas conversas, os nenos e nenas descubriron que non hai unha soa maneira de ser, e que a arte é un espello onde podemos vernos de moitas formas distintas.

Foi unha experiencia chea de creatividade, sensibilidade e identidade, que nos axuda a seguir construíndo, pouco a pouco, a nosa compañía de ópera... e tamén a nós mesmos.

Observación de células vexetais co microscopio

Na clase de Ciencias da Natureza, o alumnado de 5º de Primaria realizou unha sesión práctica para observar células vexetais no microscopio, dentro do tema sobre a célula.

A compañeira Iris e o compañeiro Pedro trouxeron os seus propios microscopios, permitindo que toda a clase puidese ver de cerca os detalles das células vexetais e comprender mellor a súa estrutura, ademais do funcionamento dun microscopio.

A actividade axudou aos nenos e nenas a relacionar a teoría coa práctica, reforzando a curiosidade e o interese pola ciencia desde un punto de vista práctico e divertido. 🔬🌿

O alumnado de 5º de Primaria investiga o cometa 3I/ATLAS

Dentro do tema 1 de Ciencias Sociais, dedicado ao estudo do universo, o alumnado de 5º de Primaria realizou unha pequena investigación en equipos sobre o cometa 3I/ATLAS, un obxecto interstelar descuberto en xullo deste ano.

Durante a actividade, os nenos e nenas aprenderon tamén moitas cousas sobre outros cometas famosos, como o Halley ou o Yakutake, e outros corpos interestelares, e compararon as súas características coas do 3I/ATLAS.

Este traballo axudoulles a relacionar o que aprenden na aula coa actualidade científica, descubrindo que a ciencia está sempre en movemento e que o espazo continúa cheo de misterios por investigar.

Unha experiencia chea de curiosidade, ilusión e ganas de seguir aprendendo! 🌠

O alumnado de 5º EP embárcase no proxecto LÓVA

Este mes de setembro, o alumnado de 5º de Educación Primaria comezou unha aventura moi especial: o proxecto LÓVA (A Ópera, un Vehículo de Aprendizaxe).

Ao longo destas primeiras semanas, o grupo estivo a traballar en dinámicas de cohesión para reforzar a confianza, a comunicación e a colaboración. Tamén afrontaron pequenos retos colectivos nos que todos tiñan que cooperar para acadar un mesmo obxectivo, aprendendo así que cada persoa é importante dentro do equipo.

Ademais, iniciaron os seus cadernos de reflexión persoal, un espazo íntimo no que cada alumno escribe e pensa sobre a súa propia aprendizaxe e emocións. Ao mesmo tempo, comezaron a dar vida ao caderno de bitácora da compañía, no que se recollen os pasos, decisións e vivencias comúns da clase neste ilusionante proxecto.

O camiño acaba de comezar, e pouco a pouco iranse descubrindo as habilidades, talentos e ideas que cada alumno achegará para que a súa compañía teatral medre unida e consiga grandes metas.

LÓVA: Visitounos Xosé Lois Romero!

En LÓVA, os membros da compañía TITÁNS seguimos avanzando na creación da nosa ópera. Está sendo un proceso moi intenso, cheo de momentos especiais. No camiño, temos a sorte de contar con xente marabillosa, profesionais xenerosos que se animan a colaborar connosco.

Hai unhas semanas, visitounos Xosé Lois Romero, un músico e compositor destacado no panorama musical galego, que forma parte de importantes proxectos. Ensinounos moitas cousas sobre a profesión de composición musical, dándonos consellos moi útiles que saberemos aproveitar á hora de compoñer as nosas melodías. Incluso nos axudou a crear un anaquiño dunha canción.

Grazas, Xosé Lois, por achegarnos a esta profesión tan importante nunha ópera! Agardamos verte na estrea! 😊🎤🎷🎸🎺🎻🎶🎵

Proyecto "Relatos de turrón"

Los alumnos y alumnas de 5º y 6º EP acabamos el primer trimestre llevando a cabo un proyecto interdisciplinar de ciclo que abarcó las materias de Lengua Castellana y Arts & Crafts: "Relatos de Navidad".

Empezamos con una lluvia de ideas en gran grupo sobre las distintas maneras que existen para transmitir una historia, en este caso de temática navideña. También realizamos la rutina CSI (color-símbolo-imagen), con la que expresamos qué es para nosotros la Navidad.

Ya en equipos, las profes nos entregaron dos relatos navideños a cada grupo y llevamos a cabo la rutina lectura compartida. Después, también en equipos, realizamos la destreza de pensamiento "Compara y contrasta", para buscar las diferencias y similitudes entre ambas historias: estructura, personajes, tema, tiempo, localización, mensaje que transmitía, etc.

Para finalizar, en la parte más creativa del proyecto cada equipo escribió su propio relato. Pasamos las historias a limpio, las decoramos con adornos e ilustraciones para que tuviesen un aspecto alegre y navideño, y las juntamos todas para crear el libro de relatos de 5º y 6º de primaria.

Además, decidimos ceder el libro a la biblioteca del colegio, para que quien quiera lea los relatos tan divertidos y bonitos que escribimos. 😃🎄🎅📖💓