Que queres aprender a facer?

Bos días desde Mundo Celeste!

Esta semana foi unha semana de instrucións; pero non unas instrucións calquera. Cada un de nós preparou un titorial para os nosos compañeiros. Todos aprendemos a facer moitas cousas! Queredes saber como o fixemos?

Pois, primeiro, aprendemos como era un texto no que dar instruccións, as súas partes e a sua linguaxe.

Logo, en equipos cooperativos, utilizando unha estrutura que seguro que xa coñecedes, o folio xiratorio, elaboramos un texto deste tipo cada grupo, e explicámolo diante do resto da nosa galaxia. Entre todos, buscamos os pequenos erros que tivemos, e pasamos a traballar cada un o seu. O mellor de todo é que o tema foi libre! Vamos, que cada un puido ensinar o que quixo!

Aprendemos a facer figuras de papel, masas estrañas (slime, por exemplo), casas de cartón....e ata unha tarta!! Que, por certo, estaba riquísima!

Por suposto que non foi o único que fixemos esta semana eh...estivemos facendo tamén unha presentación por equipos sobre os climas do mundo (hai moitos máis dos que pensabamos!), e traballando os ecosistemas e as cadeas tróficas, pero desde logo, o que máis nos gustou foi poder ensinar aos nosos compañeiros a facer cousas novas e útiles para todos!

Despedímonos xa, que temos que seguir a nosa viaxe espacial. Por suposto, deixámosvos algunhas fotos para poñervos os dentes longos...se queredes saber máis non tedes máis que buscarnos e preguntarnos!

Ata a semana que vén!